同朋友去旺角搵食，見到有間新開嘅車仔麵店...

同朋友去旺角搵食，見到有間新開嘅車仔麵店裝修得幾整潔幾靚，就入去食下。
我叫左個腩汁油麵配韭菜同大雜車仔餸，材料有咖喱魷魚、豬皮、豬紅、蘿蔔、黑椒牛丸、雞中翼、牛腩、豬大腸、魚皮餃、午餐肉，咁多配料都只係$66抵食！😋
而我朋友就叫左沙嗲汁米線配三餸一菜，材料有生菜、蘿蔔、雞翼、魚皮餃，冇我咁豐富所以只係$40。
另外我見佢除左車仔麵都有好多小食，我地呢啲大食怪就唔客氣，叫埋燒秋葵、汁燒完隻魷魚筒、娃娃菜、韭菜豬肉煎餃子！除左餃子之外原來都係辣，不過辣味啱啱好，我朋友唔係好食得辣都話冇問題。😀
飲品方面就叫左咸七喜同凍檸茶。
大家邊食邊吹下水，食完再吹水，最後啟動埋第二個胃食甜品，叫左個養生首烏芝麻糊，原來好大碗都只係$33，好彩只係叫左一碗可以兩人分。
總結黎講食左咁多嘢都唔洗三舊水，車仔麵抵食之選！🤤