別樹一格的OMAKASE 承上文，今次講到刺身同壽司。馮志宏師傅嚴選當造海產，每日從日本新鮮空運到港，食材優質之餘，性價比高。刺身：秋刀魚香箱蟹鮟康魚肝味增燒蠔櫻煮八爪魚磯煮鮑魚配肝醬壽司：池魚仔石垣貝活北寄貝喜之次配肝醬深海大池魚北海道活北寄貝花竹蝦北海道活帶子野生油甘魚野生拖羅鹽水海膽 🐟秋刀魚正值當造季節，師傅配上新鮮紫蘇葉，中間加少量姜蔥醬油，擺盤賣相精緻，食落味道鮮甜爽嫩。 🦀香箱蟹係細細隻蒸熟咗嘅松葉蟹，蟹肉清甜加上蟹膏，甘香美味，擺盤精緻，配埋紫蘇花穗，帶陣陣花香。 🔥鮟鱇魚肝是來自北海道噴火灣，魚肝先用鹽清洗乾淨，用昆布浸了一晚再煮，再用蔬菜天然甜味一齊煮入味，完全冇腥味同筋，入口順滑。橙色部分其實係魚肝嘅天然油脂，入口即溶，食落仲有點牛油味🧈。 🦪味噌燒蠔是招牌菜式之一，用上海中牛奶之稱的北海道仙鳳趾生蠔，燒到5成熟，蠔味突出，配以自家製玉味噌燒，口感Creamy，別具獨特風味。 🐙櫻煮八爪魚是馮師傅的首本名菜之一，選用日本新鮮真八爪魚石爪，烹調前先用人手按摩一小時，捏斷過硬嘅筋腱，再以慢煮方式烹煮三個鐘，用昆布、蘋果、洋蔥煮汁，加入蔬菜及茶葉。八爪魚感有別於平時食開，入口鮮甜，外層好軟腍，內層就帶點煙韌，湯汁甜甜咸咸，好入味。 🍙磯煮鮑魚配肝醬為馮師傅第二名菜，製作考功夫，以低溫烹調新鮮溏心鮑魚，煮熟後放入雪櫃十五天，確保鮑魚唔會因過度烹調而影響口感，同時亦更容易入味。鮑魚彈牙有口感，肉質鮮嫩，再配上自家製鮑肝醬拌飯，好濃郁，鮮味十足，滋味無窮。 🍣壽司方面，首先池魚仔，鮮嫩滑溜，聽聞係一支杆釣嘅池魚。 🍣活北寄貝師傅用細膩刀工將北寄貝整成花花型，食落更爽唔會黏住。肌肉仍會郁，十分新鮮，入口爽又甜。經師傅拍打後，纖維收縮，活北寄貝入口質感會更爽口，配以青檸汁及豉油食增添鮮味。 🍣喜之次配魚肝醬爽彈魚肉上面有甜甜地嘅魚肝醬，食落口感豐富。 🍣深海池魚王又叫縞鰺 Shima-aji，浸水一晚，肉質細緻爽口，魚肉纖維幼細味道香甜，魚味濃郁，非常矜貴。 🍣北海道活帶子超大隻好肥美，色澤雪白透亮，界開了帶子肉，入口更嫩腍，好鮮甜，肉質好爽滑，入口即化。 🍣野生拖羅師傅以米製成既米鹽從高處撒落大拖羅上，表演落雪飛花，鹽味剛好。係野生嘅魚腩，油嫩而不膩，入口即溶，唔肥唔油，又香又滑。脂肪分佈細緻，散發著魚香及獨特味道，啖啖魚脂香，齒頰留香。 🍣野生油甘魚即天然野生鰤魚，通常白色，但因為天然所以係粉紅色。非常肥美，魚油膨拜，爽甜甘香。 🍣鹽水海膽即開原板海膽，冇防腐劑，鮮甜濃郁，配上脆脆嘅紫菜，入口即溶，無得彈。 🍣花竹蝦係當造之刺身，肉質細綿，味道清甜。有七成生，因為太熟會鞋口唔好食。總括來說，用呢個價錢，食到優質既食材，睇著師傅表演同講解，而家部分係相當罕有嘅做法同食材，絕對值得👍 📍鮨宏 Hiro Omakase - 北角威邦商業中心地下13號舖 @hiroomakase 📮Follow @fm.feed ➡ to discover more appetizing foods #hkfood #foodiehk #hkfoodblogger #foodporn #foodphotography #foodstagram #hkeats #hkfoodhunter #hkfoodie #likeforlikes #followforfollowback #discoverhongkong #香港美食 #相機食先 #美味しい #美食摄影 #食べるの好きな人と繋がりたい #壽司郎 #壽司 #日本料理 #廚師發辦 #廚師發板 #omakase #蔡瀾 #刺身 #北角美食 #炮台山美食 #鮨宏