呢間Kobekyu想食好耐，終於好難得搵...

呢間Kobekyu想食好耐，終於好難得搵到朋友陪我去😄。

叫咗個吉列牛定食嘅$246套餐，配有咖喱忌廉烏冬同牛肉🥩。另外味增蟹蓋紫菜飯團$58🦀，兩杯飲品Passion Punch同Citrus Ocean各$18🍹。

個烏冬真係好掂，彈牙煙韌，雖然睇落好多忌廉，但其實忌廉汁比較稀，最主要咖喱汁喺烏冬麵條嘅表面粘貼着，食落口感好豐富，充滿香甜嘅咖喱味😍。

牛定食除咗牛之外，有飯同麵豉湯，仲有啲小菜例如豆腐同醬料。厚切嘅牛肉食落口唔會韌，脆皮炸得幾香。另外個蟹蓋啲膏都幾多，包埋紫菜飯團一齊食好鮮甜。

當日座無虛席，二人枱比較細，其實環境有啲迫，不過最重要都係啲嘢食有質素💪。

📍吉列牛忌廉烏冬專門店 - 銅鑼灣百樂中心22樓

📮Follow @fm.feed ➡ to discover more appetizing foods