屹立天后廿幾年嘅日式料理🍱 二人セット...

屹立天后廿幾年嘅日式料理🍱

二人セット (Set Dinner for 2) $650
🔴海帶豆腐沙律
⚪️雜錦刺身
🔴清酒煮大蜆
⚪️照燒牛肉
🔴野菜雞肉棒鍋
⚪️塩燒鯖魚
🔴甜蝦蓉飯 + 金槍魚碎飯
⚪️甜品 (蕨餅)

🔴炸軟殼蟹卷 $118
⚪️吉列炸蠔 $60
🔴燒銀雪魚骨 $80

二人定食好抵食，有牛有雞有海鮮，好豐富一定食得飽，我哋比較大食所以叫多幾樣嘢🤫。首先講二人餐方面，我自己最鍾意就係鯖魚🐟，兩個人食都可以有大大條原條嘅魚，而且去咗骨，食落去啖啖肉，好耐未食過魚可以食到咁爽。

第二樣我最愛嘅係大蜆，大大粒又多汁💦，食落去有一種飽滿嘅感覺，仲有少少酒香味道。
牛肉好爽口唔會韌，我幾鍾意佢嘅汁，個鍋好多蔬果料好健康，食落好清甜，仲有雞肉棒內質好厚實，食落去相當彈牙🪃。
至於銀雪魚骨🦴，我哋比較少見所以叫咗嚟試吓，燒得好香，啲骨好脆可以食埋落肚。
軟殼蟹卷入邊有豐富嘅炸蟹🦀，咬落口脆卜卜。

門面平平無奇，唔覺係一間日本料理，但原來已經屹立咗喺天后廿幾年。店內就有和風嘅裝潢，有壽司枱可以睇到師傅製作廚師發板👨‍⚖️。當晚唔係好多人，地方亦唔係好大，仲有少少侷促。

食物種類就非常之多，所以我哋都揀咗好耐，我覺得佢哋嘅套餐係幾有誠意，包含咗好多種類夠晒豐富。我哋食到咁飽加埋都唔使一千蚊🥸，以呢度食物質素來講性價比算高，係值得一試嘅日式料理餐廳👍。

📍順日本料理 - 天后永興街23號地下

📮Follow @fm.feed ➡ to discover more appetizing foods