台灣料理mix大閘蟹食べ放題🦀 . 等...

台灣料理mix大閘蟹食べ放題🦀

等等hea一啲都唔Hea，本來做台灣料理點知走過界🇹🇼，做埋大閘蟹放題，比老細喺疫情之下殺出重圍，嚟到大排長龍，我哋book咗都要等一段時間👨‍👩‍👧‍👦。

88分鐘限時放題有三個packages，大中細唔同價錢，我哋食中間四至五兩$488。上蟹嗰刻先開始計時，做法比同行公道，而且上蟹速度快，唔會等到Hea😃👍。

除咗蟹係任食，佢哋嘅台式小食同飲品都係任叫🤩，而且嘢食唔係Hea做，樣樣都足料又入味，老闆仲話每樣都加咗啲蟹腳🦵！我哋樣樣都叫咗嚟食，我最鍾意係鴨血，有少少麻辣味夠惹味🌶，我朋友就鍾意食花枝丸🍡，見佢叫咗幾轉嚟食。飲品有台式奶茶🥤，仲可以任飲青島啤酒🍺，最正係有埋冷泡茶！最後仲食埋薑茶芋圓，薑味好重，夠晒辣，食完蟹好寒涼，整返杯薑茶芋圓個人即刻暖返晒🥰！

同老闆Eric傾咗陣計，覺得佢好努力又好敢於創新🌟，而且隨和好客，聽講而家仲度緊12月新搞作，傾緊一隻台灣好受歡迎嘅湯圓嘅代理權，我哋遲吓又有口福啦👏！依家搞食肆相當難做，希望佢疫情之下可以撐過去，繼續帶比好嘢食同驚喜大家🙆‍♂️。

📍等等HEA - 九龍城福佬村道41號地下

📮Follow @fm.feed ➡ to discover more appetizing foods