食到飽飽又有得打卡🔖 呢間酒樓$168...
食到飽飽又有得打卡🔖
呢間酒樓$168午市放題食足90分鐘實在好抵食🤩，我哋兩個大胃王叫咗好多嘢，食咗兩轉，講起嚟都有啲誇張，佢哋嘅嘢食分咗七個系列包括前菜、點心、粉麵、蔬菜、甜品及兩款小食類別，選擇非常之多，而且每樣都吸引，好想叫晒佢哋，最後除咗粉麵外，我哋每個系列都叫咗啲嘢嚟食。
前菜方面，我哋叫咗鮮蝦雞尾酒🦐、手搖糖心皮蛋、涼拌喵喵耳、佛山燻蹄、蒜泥白肉🥩。個鮮蝦好鮮甜，再點埋啲有酒味嘅醬料，食落去感覺特別，皮蛋整到糖心狀，仲正過普通糖心蛋。燻蹄同白肉都做得唔錯，喵喵耳其實係黑木耳嚟。
至於佢哋嘅王牌一定係點心👑，不得不叫嘅就係金沙熊貓包同豬仔叉燒包，有熊貓同豬仔嘅形狀🐼🐷，非常可愛，打卡一流。而且睇得仲食得，個熊貓包搣開嚟就有啲香濃嘅奶黃，唔係流出嚟，而係湧出嚟，口感實在一流。點心我哋仲叫埋蝦餃、燒賣、牛肉球、魚翅餃，個牛肉球就有啲細，不過放題來講細細粒仲好。
小食方面，佢哋有個叫回本之選嘅系列，我哋就叫咗芝士汁天婦羅小鉗蟹🦀、濃雞湯花膠米線🍜、紅燒乳鴿、鮑汁鳳爪。我推介小鉗蟹，係另一個打卡之選，同埋我幾鍾意雞湯嘅米線，食落口好清甜，再配埋花膠，實在好補身，隻乳鴿都幾大隻又香口😋。
另一組小食叫非食不可系列，點咗胡麻醬茄子條、豉油王香煎腸粉、日式雞皮餃子🥟、鮮蝦炸雲吞、三重芝士春卷，各款都有水準。蔬菜就食咗上湯杞子娃娃菜同乾煸四季豆，啲菜比想像中大碟🥬，好清甜好正。
最後甜品就叫咗薑汁糕同杞子桂花糕🍮，個桂花糕幾甜又彈口幾好味，但薑汁糕食到幾香嘅薑汁味，但就稍為有啲韌。
呢一餐食得非常滿足，嘢食好味又唔hea，環境同燈光唔錯，食物又啱打卡，最後我哋仲捽埋盞神燈先走人🤭。
📍神燈海鮮酒家 - 佐敦長樂街18廣場地下 @lanternseafood.restaurant
📮Follow @fm.feed ➡ to discover more appetizing foods
呢間酒樓$168午市放題食足90分鐘實在好抵食🤩，我哋兩個大胃王叫咗好多嘢，食咗兩轉，講起嚟都有啲誇張，佢哋嘅嘢食分咗七個系列包括前菜、點心、粉麵、蔬菜、甜品及兩款小食類別，選擇非常之多，而且每樣都吸引，好想叫晒佢哋，最後除咗粉麵外，我哋每個系列都叫咗啲嘢嚟食。
前菜方面，我哋叫咗鮮蝦雞尾酒🦐、手搖糖心皮蛋、涼拌喵喵耳、佛山燻蹄、蒜泥白肉🥩。個鮮蝦好鮮甜，再點埋啲有酒味嘅醬料，食落去感覺特別，皮蛋整到糖心狀，仲正過普通糖心蛋。燻蹄同白肉都做得唔錯，喵喵耳其實係黑木耳嚟。
至於佢哋嘅王牌一定係點心👑，不得不叫嘅就係金沙熊貓包同豬仔叉燒包，有熊貓同豬仔嘅形狀🐼🐷，非常可愛，打卡一流。而且睇得仲食得，個熊貓包搣開嚟就有啲香濃嘅奶黃，唔係流出嚟，而係湧出嚟，口感實在一流。點心我哋仲叫埋蝦餃、燒賣、牛肉球、魚翅餃，個牛肉球就有啲細，不過放題來講細細粒仲好。
小食方面，佢哋有個叫回本之選嘅系列，我哋就叫咗芝士汁天婦羅小鉗蟹🦀、濃雞湯花膠米線🍜、紅燒乳鴿、鮑汁鳳爪。我推介小鉗蟹，係另一個打卡之選，同埋我幾鍾意雞湯嘅米線，食落口好清甜，再配埋花膠，實在好補身，隻乳鴿都幾大隻又香口😋。
另一組小食叫非食不可系列，點咗胡麻醬茄子條、豉油王香煎腸粉、日式雞皮餃子🥟、鮮蝦炸雲吞、三重芝士春卷，各款都有水準。蔬菜就食咗上湯杞子娃娃菜同乾煸四季豆，啲菜比想像中大碟🥬，好清甜好正。
最後甜品就叫咗薑汁糕同杞子桂花糕🍮，個桂花糕幾甜又彈口幾好味，但薑汁糕食到幾香嘅薑汁味，但就稍為有啲韌。
呢一餐食得非常滿足，嘢食好味又唔hea，環境同燈光唔錯，食物又啱打卡，最後我哋仲捽埋盞神燈先走人🤭。
📍神燈海鮮酒家 - 佐敦長樂街18廣場地下 @lanternseafood.restaurant
📮Follow @fm.feed ➡ to discover more appetizing foods
留言
發佈留言