嚟到呢間以阿仙奴足球會為主題嘅餐廳🏠，一...

嚟到呢間以阿仙奴足球會為主題嘅餐廳🏠，一入去就見到好多兵工廠球衣同大量閃咭掛晒喺牆度，如果係球迷入到黎會好開心🤩。

🍱Lockeroom鹹蛋黃小食拼盤 $128
🥗蟹肉芒果木瓜牛油果沙律 $78

🍗香烤美國黃油雞髀肉扒配豬肉腸 (扁麵) 65
🐠意式香煎可持續深海石斑魚柳 (跟飯) $75

☕️生薑茶
🍸菠蘿汁 (+3)

🍮朱古力心太軟 $68
🥞即製梳乎厘班戟 $78

一開始我哋先食個沙律，真係好味，推介呢個沙律，而且貌相一流，啱晒打卡🔖。
佢哋嘅lunch set好抵食，60幾蚊就有，配埋蒜香牛油法包同嘢飲，我哋叫咗兩個Sets，一雞一魚都唔錯。而且Lunch set雖然平，但做得好精緻。跟餐個湯嘅碗係雲石面好靚，佢哋啲碟係足球場好可愛⚽️。
個甜品我就鍾意心太軟多啲，佢個朱古力甜而不膩，可惜流唔到心，個pancake軟荏荏好鬆軟，郁吓都會震🥶。

有趣嘅係近窗有一個雀籠嘅餐枱🕊，既可愛又浪漫，我哋就揀咗嗰張枱坐，仲有隻阿仙奴吉祥物公仔Gunnersaurus坐喺度🦖！

兩個人食咗咁多嘢，勁飽都唔使五舊水。就算唔係阿仙奴球迷，佢啲嘢食同用嘅餐具都咁精緻，環境又有氣氛，好啱女仔嚟打卡，絕對唔係純粹球迷來講波經嘅專利🥳。

呢度幾好生意，就算去到四點都仲有唔少人食下午茶，地點就腳，就係朗豪坊隔離👍。

📍Lockeroom Dining - 旺角朗晴坊8樓 @lockeroomdining

📮Follow @fm.feed ➡ to discover more appetizing foods