駱駝漆好多商店林立🐫，最近就開咗一間西餐...

駱駝漆好多商店林立🐫，最近就開咗一間西餐廳，評價都幾好，我就特意帶埋朋友過嚟食下。老闆問我哋食啲乜，我本身想叫鴨胸但賣晒🦆，叫嘢飲佢話嗰部咖啡機壞咗😅。所以全部剩係得雜果賓治，我想叫榛子朱古力，佢就話用手沖但唔保證好味🤔，咁我就照叫嚟睇吓佢手勢如何。

🍗燒春雞半隻配烤菜 $138
🥩燒肉眼扒配烤菜 (10安士) $168
🍝白松露辣肉腸扁意粉 $108

☕️榛子朱古力 $40
🍹雜果賓治 $48

我覺得最好味係個意粉，上面嘅橄欖油，連埋好多香菇🍄，令到成個意粉都有好重嘅菇味同松露味，相當香口，意粉又夠滑夠彈牙。

個燒春雞點埋啲芥末醬都好正😋，至於肉眼扒佢俾咗五成熟我哋，但我覺得佢嘅五成都稍為有啲韌。

至於佢手沖嘅朱古力，我覺得幾好飲又好香濃，而雜果賓治我朋友就覺得太甜。

除咗食嘢之外都可以寫多少少介紹。

第一，當入嚟餐廳就會見到有幾個魚缸🐠，我哋就揀咗最大嘅魚缸隔離坐，有好白同好大條嘅錦鯉，望住佢哋食嘢，感覺好壯觀又震撼。問過老闆原來喺天光墟有個賣魚嘅店舖。

第二，我哋係食西餐，但見到周圍嘅人係食緊日本料理🇯🇵，我覺得奇怪。而啲店員由第二間舖走入嚟，然後我先知原來呢邊係食堂，第二邊係廚房。因為有一個走廊之隔，�我初頭以為對面係另一間日式食店。原來老闆有埋日本菜同蛋糕賣🍰，日本嘢食仲好吸引，價錢又親民，吸引唔少後生仔嚟食。

第三，食堂裝潢以簡約設計，而除咗好多魚外，仲有唔少高達，我諗都係老闆嘅收藏品嚟。另外好似旺角嘅cafe咁，有boardgame可以拎去玩🎲。

第四，幾驚喜嘅係佢嗰度竟然每張枱都擺有牙籤刷同牙線棒🦷，取代木牙籤嘅感覺即刻高檔左。
第五，係一間有yell card可以買嘅黄店🎴。
綜合來講，呢間餐廳比我嘅感覺係相當特別，可以bookmark下次試下日本野同探下啲魚仔👍。
📍Aqua Life Restaurant - 觀塘駱駝漆大廈3座6樓T號舖 @aqualife_restaurant
📮Follow @fm.feed ➡ to discover more appetizing foods