瘋狂叫雞食的大滿足🐥🐥🐥 呢間餐廳主打...

瘋狂叫雞食的大滿足🐥🐥🐥

呢間餐廳主打炸雞加pizza放題🍗🍗🍗🍕🍕🍕，佢嘅炸雞有七款咁多，Pizza都有幾款，不過就要按當日餐廳供應，晚市價錢都只係$128。除此之外仲可以加$20有焗雞同小食放題，焗雞同樣有七款，小食都有八款。

炸雞我哋樣樣都叫咗兩件嚟食，試吓唔同嘅味道，包括韓式炸雞、甜酸炸雞、辣味炸雞、黃金鹹蛋炸雞、檸檬柚子炸雞、蜜糖芥茉香蔥炸雞、濃蒜炸雞、香草青檸炸雞、四川麻辣炸雞。每樣都各有特色，最後我哋揀咗檸檬柚子做最佳之選👍。

焗雞一上枱就熱辣辣，我哋叫咗首爾風味焗雞、黃金鹹蛋焗雞、雙重芝士焗雞，我就覺得黃金鹹蛋幾正幾入味😋。

Pizza當日有四款，明蝦水牛芝士薄餅、熱帶風情薄餅、瑪嘉麗塔皇后薄餅、千島加勒比薄餅，每件都細細塊，薄餅皮比較軟身。

小食方面包括凱撒沙律、柚子醋沙律、紫菜薯條、牛油炒雜菌、韓式辣伴海蜇，我自己最鍾意係海蜇，另外柚子醋沙律同炒雜菌都唔錯。

未試過瘋狂叫雞食，比我想像之中飽，不過好滿足😃😃😃。
📍Sodam Chicken - 銅鑼灣百樂中心7樓 @sodamchickenhk852
📮Follow @fm.feed ➡ to discover more appetizing foods