曾經連續五年入選米芝蓮推介的日式料理餐廳...

曾經連續五年入選米芝蓮推介的日式料理餐廳🇯🇵

頭盤有香甜的日本甜薯🥔，龍珠果，最後食冰頭漬，即係三文魚鼻樑軟骨組織，食落口煙韌又爽口，由於醃製過會帶幾分酸味，幾開胃😋。

之後刺身有新鮮嘅帆立貝、大小拖羅同真鯛等，簡直有入口即溶嘅感覺🤩。然後係細細碟嘅豚角煮，用上壽喜燒汁，塊豚肉大大塊，食落口啖啖肉好滋味☺️。

壽司方面有Chiu-Toro，即係鮪魚嘅中腹肉，口感濃郁🤤，肉質軟嫩細緻，牡丹蝦上面有蝦膏🦐，金目鯛壽司上面有胡椒，最尾有帆立貝壽司，上面有海膽，師傅建議我哋由右至左食起。佢哋用嘅豉油碟都好特別，背景係日落嘅富士山🗻。

之後有烏冬，相當嫩滑，湯底濃郁又鮮甜。最尾嘅甜品係芝麻味雪糕嘅夾心威化餅，好香口👍。

實在係令人滿足嘅一餐，而且食材每天由日本直送🚚。

📍玄鮨 - 銅鑼灣開平道1號Cubus 7樓 @xuansushi

📮Follow @fm.feed ➡ to discover more appetizing foods