西班牙之夜🇪🇸 🍄黑松露醬炒野菌 $8...

西班牙之夜🇪🇸

🍄黑松露醬炒野菌 $88
🦐西班牙海鮮飯 $198
🍗西班牙傳統陳醋燴豬仔髀 $148
🥞雜莓班戟 $78

佢嘅海鮮飯餐牌係$288，不過問店員原來可以淨係半份，份menu其實冇寫到。如果係全份，我諗兩個人叫一碟就已經夠晒飽😂👌。海鮮飯炒得幾香，仲有細細粒嘅蜆肉同蝦仁🍤，又有魷魚🦑。不過可惜在呢個海鮮飯嘅海鮮唔新鮮，隻蝦唔彈牙，仲有沙，青口又細隻又冇味，好似浸咗好耐水👎。

野菌我係幾鍾意，菌味香濃👃，雖然係tapas但份量可以當一個course。豬仔髀一樣唔錯👌，肉同骨容易分離，肉質幾淋只係有啲乾，食落幾惹味。

班戟有幾層，中間用香蕉隔住🍌，食上去香蕉味非常突出，再加上士多啤梨酸酸地嘅味道🍓，食落口好滋味，如果冇咁甜嘅話我會更加鍾意❤️。

環境都幾有氣氛適合傾偈，可惜員工需多加培訓，例如落咗單之後，第一碟嚟嘅竟然係甜品😅，通常甜品後上應該係一個共識🤔。

另一方面，員工斟水嘅時候啲水倒咗落我個袋度💦，好彩我個袋係防水。雖然佢唔係有心，但佢竟然冇留意到，顯得相當唔細心，禮貌亦欠奉🥲。絕對係喺呢個有情調嘅環境之中大煞風景。

📍Cocina 3 Tapas Restaurant & Bar - 奧海城三期地下G22號舖 @cocina3tapas

📮Follow @fm.feed ➡ to discover more appetizing foods