新開居酒屋 - 浪Nami🌊，嘢食吸引到...

新開居酒屋 - 浪Nami🌊，嘢食吸引到小編暈晒浪👹

🏮Nami卷 $168
🏮火炙蔥吞拿魚腩 $128
🏮特上壽司盛 $398
🏮月見雞肉棒 $58
🏮吉列廣島蠔 $98
🏮原條鰻魚丼 $198

特色嘅卷物，招牌Nami卷，入邊有拖羅魚蓉、魚子醬、金黃色嘅海膽、海量嘅三文魚籽、玉子，外形猶如盛放嘅花，用料眾多又講究，口感相當豐富帶衝擊，一試難忘👏。

至於火炙蔥吞拿魚腩，原來係即場上演火炙嘅效果🔥，用火槍燒一燒拖羅魚蓉，好架勢。拖羅魚蓉可以分做四塊，然後自己將佢同紫菜、蛋黃醬、醋飯包起來一齊食，食落去仲入口即溶😍。

原條鰻魚丼估唔到條超鰻魚有咁大條又厚身👺，放喺啲飯上面就好似幫啲飯冚被一樣🛌，食落有少少軟骨，但係鮮甜又彈牙。

最豪華嗰碟就係壽司盛，總共有12件🍣，圍返係$33一件。壽司有牡丹蝦、帶子壽司、玉子燒 、大吞拿魚腩壽司、中吞拿魚腩壽司、吞拿魚背壽司等，十分豐富又新鮮，佢哋嘅食材都係日本直送🇯🇵✈️。

雞肉棒可謂日式串燒經典之選，沾啲蛋黃醬，味道香濃，雞肉仲混入粒粒雞軟骨，惹味又有啖啖滋味嘅口感😋。

至於隻蠔冇咗個殼🦪，雖然炸咗嘅樣睇落唔知係蠔，又唔算大大粒，但咬落去外脆內軟，仲相當香口👌。

餐廳環境優美，門口掛滿紅白燈籠🏮，裝潢以深啡木及黑木構成，又有江戶祭典主題牆畫，天花仲有閃閃燈飾✨，洋溢住熱鬧嘅居酒屋風情。

我坐喺度一邊食，一邊有櫻花作伴🌸。花前月下，欣賞良辰美景。當小編陶醉地品嚐緊美食嘅同時，門口會有人無啦啦打幾下鼓🥁，原來每當有新食客入嚟，佢都要打下鼓嚇下你😂，呀唔係，係表示歡迎光臨咁解👋。

順帶一提，而家開業優惠🈹，晚市消費及追蹤浪‧居酒屋的 Instagram及 Facebook 專頁，即送免費清酒一合🍶！（優惠至7月15日)
📍浪‧居酒屋 Nami Izakaya - 銅鑼灣金朝陽中心2期Midtown 1樓
@namiizakaya.hk
📮Follow @fm.feed ➡ to discover more appetizing foods