遠離繁囂的早午餐體驗☕️最尾彩蛋🥚 🍝...

遠離繁囂的早午餐體驗☕️最尾彩蛋🥚

🍝招牌龍蝦仔白汁意粉 $98
🍝忌廉煙肉蘑菇意粉 $88

🫖「生酮飲食」創意焙茶飲品 (熱) $48
☕️像極了愛情的咖啡 (凍) $58

佢哋11點開始供應早午餐，兩個意粉都幾好食，龍蝦仔細細粒🦞，煙肉切到細細塊，但佢哋嘅份量都多，遍布成碟意粉，食落好香，忌廉汁夠味👌。

至於凍咖啡其實係玫瑰士多啤梨牛乳咖啡🌹，自己倒咖啡落去牛乳度攪勻佢，飲落口幾香濃，另一杯生酮茶飲係焙茶豆奶☕️，味道幾好，又唔會甜。

當日去到咁唔好彩冷氣機壞咗😅，所以非常熱🥵，如果出面食就要打包🥡，為咗影靚相，我哋犧牲自己一下喺室內食💦，所以今次真係用汗水換返嚟😂。

當日仲係mirror成員jermey @jeremy_0908 生日派對期間🎉，粉絲團搞活動，所以好多人排隊👨‍👩‍👧‍👦，見到職員做都做唔切，所以我哋都等得比較耐🕰，不過場內就比應援隊佈置得相當靚，我都喺嗰度打下卡（睇到最尾😎）

地點位於饒宗頤文化館，雖然係幾格攝嘅地方，但係搵一日嚟睇吓展覽，chill返個下晝，扮吓偽文青，都係幾好嘅安排👍，甚至可以住佢哋嘅翠雅山房🏡，一種遠離繁囂嘅民宿體驗。

📍coffeeflow - 饒宗頤文化館G座地下1及3號舖 @coffeeflow.hk

📮Follow @fm.feed ➡ to discover more appetizing foods