終於來到大排長龍嘅台灣過江龍人氣火鍋店👨...

終於來到大排長龍嘅台灣過江龍人氣火鍋店👨‍👩‍👧‍👦

佢有三種套餐，我哋就揀咗最貴嘅120分鐘澳洲極上和牛吃到飽，如果係5:00至9:30入座就$298，比起下一級嘅套餐多咗牛小排、封門柳、一口牛肉粒、牛肩卷等等，而湯底就揀咗牛大人紅燒牛骨鍋🍲。我哋仲額外叫咗特飲冬瓜茶🧋，最估唔到嘅係原來有酒精，但我飲嗰陣時就唔覺有酒味，可能俾佢嘅相當甜嘅味道同茶味遮蓋左。

一開頭就附送左每人兩粒牛丸🍡，牛丸好厚實，大大粒，牛肉味濃，相當推薦。至於佢嘅牛肉不過不失，我就比較鍾意食佢嘅PRIME極級肩里肌🥩。食物款式幾多，有唔少係來自台灣嘅小食，我幾鍾意佢嘅午餐肉、沙巴、鯪魚球、墨汁漿等等。亦罕有見到鴨血🩸，食落去雖然同豬紅差唔多，但佢就多咗一種煙韌、彈牙嘅口感，大家不妨試一試。至於自助區嘅丸類同菜類等都相當多選擇，而且有台灣出品嘅王子麵🍜，難得可以係度食到。

除咗剛才講嘅特飲，佢哋飲品種類其實好多，我試咗幾種，除有自家出品嘅茶之外，我個人幾喜歡麥仔茶，坊間好少可飲到，佢嘅茶同麥味平均，飲落漸漸麥香味。

最後食佢嘅甜品，我哋揀咗限定新品台中仙草凍，仙草味好香濃，入邊嘅配料都好多，有花心粒、珍珠、椰果等，絕對係冇叫錯嚟食嘅甜品👍。

食物質素搞返咁上下，而店員亦都親切有禮，反應都好快，見到你枱面有空左嘅碟都會即刻收走。

📍牛大人台灣火鍋吃到飽 - 尖沙咀加拿芬廣場2樓 @masterbeef.hk

📮Follow @fm.feed ➡ to discover more appetizing foods