香港都有條華爾街🚏 🥯3味生酮意大利麵...

香港都有條華爾街🚏

🥯3味生酮意大利麵包 $68
🍟秘製生酮炸薯條 黑松露蛋黃醬 $98
👅鹽燒牛舌 $98
🫕香草茴香酒煮青口 $158
🍝香蒜蜆肉意粉 $158

原來以The Wall Street為名係位於尖沙咀嘅一間酒吧🍷，而家特別新推出咗生酮餐單，去迎接今個聖誕🎄。我哋試咗兩個生酮前菜，佢嘅意大利麵包有三種口味，分別係香草芝士🧀、忌廉蕃茄🍅同合桃，三種嘅口味都好特別，而且麵包嘅酥皮幾香脆可口，點埋啲牛油同黑松露牛油就更加美味，小編推介👍。

至於生酮炸薯條🍟，個樣同普通薯條冇乜分別，不過食落就冇薯條嗰種香脆口感，咬落比較粉狀，質感同薯條有明顯分別，不過好在有黑松露蛋黃醬搭救，為它挽回不少分數，但論價錢就偏貴咗🤑。呢度嘅生酮麵包及生酮薯條均使用杏仁粉同椰子粉代替薯仔及麵粉等材料，盡顯心思。

牛舌幾厚實同大塊👅，海鹽嘅鹹香味濃亦無筋。而青口份量都多，茴香同酒味都夠香夠份味，口感creamy。意粉啲蜆大大隻，香蒜味唔錯🍝。

我比佢環境吸引，有種復古嘅懷舊歐陸氣息，好啱打卡📸，估唔到酒吧係以書架為牆上嘅裝飾📚，窗邊配搭一個舊式電話☎️，仲有可以播放到嘅黑膠唱片機，上面有我兒時最愛嘅樂隊，Beyond隻黑膠💿，相當經典，令人回味。服務員態度殷切，環境都算寬躺，有個大螢幕播住YouTube嘅歌，🎶last christmas i gave you my heart ♥️

📍The Wall Street Bar & Lounge - 尖沙咀金巴利道40號MW Plaza 1樓

📮Follow @fm.feed ➡ to discover more appetizing foods