糅合藝術嘅精緻懷石料理🎨 首先係先附（...

糅合藝術嘅精緻懷石料理🎨

首先係先附（Sakizuke，さきづけ），有京都豆乳同九洲粟米🌽，係開胃用嘅前菜，調味輕盈和質感清新。

之後係八寸（Hassun，はっすん），用咗秋季主題🍂，以富士山楓葉做主題🍁，因為小編食果時係12月頭，而家會係冬季主題❄️，有雪人做裝飾☃️。佢有四個小菜，食嘅次序係首先食用豆紙包著嘅白露荀，然後係最中餅，夾著咗枝豆蓉同日本墨魚🦑，第三樣係新鮮嘅湯葉🍃，包著咗日本白合，表面布上海苔，最後就食炸海老芋，入面有櫻花蝦🦐。

繼續嘅係向付け（Mukōzuke，むこうづけ），有刺身三點🍣，分別係真鯛、赤貝、鯖魚，而成個造型係一個日本嘅荷塘🌷，有魚有雞，用啫喱來做海水🌊。

然後係酢肴（Su-zakana，す　ざかな），一粒圓形球體狀，原來係醋啫喱，用松葉蟹做🦀，中間有少少日本嘅連芋，食個時候唔好分開食，所以我就直頭成粒擺咗落口，相當滋味。

至於香物（Kō no mono，こう　の　もの），嚟到分別有三小食材，以花做主題嘅菜式🌸，首先有酥皮，包著咗三重縣嘅栗子蓉，之後係澀澀哋嘅日本百合，跟隨住嘅係意大利青瓜花🥒，先食甜甜地嘅花瓣部份，然後可以飲一啖茶，再去品嚐花莖，會有鹹鹹地嘅味道。最後係自家製嘅柚子蘿蔔🥕，伴隨住�酸酸地嘅蓮藕嘖物。

輪到止椀（Tome-wan，とめ　わん），係海膽創作料理，亦係餐廳嘅signature之一，面頭會有蝦同松露，下面有海膽醬同三文魚籽，主角係北海道馬糞海膽🗾，食之前將佢溝埋一齊。�尾聲嘅會有一個簡單嘅麵豉湯🥣。

最後就係水物（Mizumono，みずもの），即係甜品，係一個分子料理，上面有士多啤梨泡沫🛁，裏面係有蜜瓜同啫喱。食嗰時唔好太大膽唔係嘅話會濁親，我就真係好唔小心咁濁咗一下😬。

呢個懷石料理總共有八道菜，價值$620，由於佢冇咗蓋物、強肴（即係主菜）同御飯等等，所以對於我呢啲比較大食嘅小編來講就唔算好飽，但係喺香港見到咁富有藝術嘅壞石料理實在難得！唯一美中不足嘅係，有位經理態度好似唔係好耐煩，實在有點掃興。

📍Yume Cuisine - 中環德和大廈1樓101號舖 @yume_cuisine

📮Follow @fm.feed ➡ to discover more appetizing foods