新派Omakase🍱，師傅會加上獨特的烹調手法及不同的醬汁調配，令食客有與別不同體驗。今次食咗Sakura Omakase套餐15件。 🥣前菜沙律菜爽脆清甜，魚肉清甜有咬口，炸芋頭片香脆甜美，醬汁酸酸甜甜，是開胃之選。 🍣天鯛白子壽司係野生鱲魚，魚肉晶瑩剔透，爽口甘甜，食落煙韌有啫喱般的彈牙口感。上面放咗時令嘅鱲魚白子，肥美滑溜，鮮甜無比。 🍣松村鰈壽司即係右口魚，質地有彈地，帶點肥美，有一份高雅口感。 🍣墨魚壽司墨魚味道清淡帶鮮，厚身爽彈，嫩中帶脆。壽司飯中間夾咗少少紫菜碎，令整體更香口。 🍣赤貝壽司橙紅色，表面帶光澤，新鮮即開，食落爽脆很彈牙，上面加咗啲燒汁，更帶鮮甜口感。 🍣池魚壽司切得厚薄均衡，肉質細膩，油脂比例均勻，油脂豐富，肉質鮮嫩。入口甘香鮮甜，魚油滿溢，無花果汁提味亦同樣吸引。 🍣平政魚壽司經橡木煙燻過，散出陣陣煙香，平衡咗魚嘅油脂，更為清甜且香既入味，口感帶啲硬身。 🍣小肌魚壽司魚皮纖薄光亮，肉質嫩滑結實，香甜可口，配上炒鮮蝦蝦粉，鮮味配搭。醋味比例剛剛好，蝦粉味香濃但又沒有遮蓋魚肉鮮味。 🍣赤海膽味道甘甜，入口即溶，滑溜無比，滿滿的一口，特別滿足，和紫菜飯一起吃味道配搭。 🍣大拖羅壽司野生吞拿魚，無筋，雪花油脂分佈平均，同樣入口即溶，嫩滑肥美。 🥚玉子燒貌上平平無奇，色澤較淡，但香甜多汁，蛋味香濃。 🌯蔥拖羅蓉手卷夾有紫蘇葉，香味突出，拖羅蓉香甜美味，魚香味濃，紫菜爽脆香甜。 🥣蟹羹蒸蛋湯蟹肉有好多，有蜆，蛋很水潤滑溜，香甜美味。 🍮最後甜品可選海鹽雪糕、益力多芝士蛋糕或咖啡，我揀咗益力多，作為整餐飯的結尾非常恰當。每件壽司中間都有Wasabi。全場有20個sushi bar 位加一間包箱房，地方闊敞舒服，可以欣賞到師傅的手藝，亦可與師傅直接對話，職員服務很有禮。 📍滝壽司 (Raki Japanese Fine Dining) - 銅鑼灣開平道Cubus 15樓 @rakihongkong 📮Follow @fm.feed ➡ to discover more appetizing foods #hkfood #foodiehk #hkfoodblogger #foodporn #foodphotography #foodstagram #hkeats #hkfoodhunter #hkfoodie #likeforlikes #followforfollowback #discoverhongkong #香港美食 #相機食先 #美味しい #美食摄影 #食べるの好きな人と繋がりたい #滝壽司 #rakijapanesefinedining #銅鑼灣美食 #sushi #壽司 #日本菜 #omakasehk #廚師發辦