🦀大閘蟹季放題，大大滿足感💯 年年都要去 @waitwaithea 食大閘蟹放題🦀，因為夠足料又抵食，啲蟹膏不得了，真係啲蟹公白膏好出色，夠黏口；蟹乸啲黃膏仲多，濃郁得嚟仲好厚實。今年仲有新推出三種味：鹽焗🧂、麻辣🌶、花雕🍶。我最愛麻辣，上枱已經俾佢陣香味吸引住，食落口好惹味；花雕嘅酒香好入味，其實我都好鐘意。聽老闆講佢哋花咗唔少心機去研究烹調方法，不斷咁調較口味，可能你哋去食嘅時候味道又提升咗。不過又講真，如果清蒸先可以品嚐到最多又原汁原味嘅蟹膏。除咗大閘蟹係任食，佢嘅台式小食同飲品都一樣係任叫，而且係好多選擇。等等hea嘅台式小食一啲都唔hea，每款都加啲蟹膏上去，包括生滾大閘蟹粥、蟹油香辣雞煲、蟹粉花枝丸、蟹粉貢丸、一口麻辣鴨血、蚵仔滷肉飯🦪、阿宗麵線🍜、鹽酥雞粒、厚燒鰻魚。比較有特色係阿宗麵線，配埋成樽台灣正宗阿宗辣醬，夠晒台灣風味，仲有蟹粥好棉又重蟹味，花枝丸都係必試。飲品其實我好想飲珍珠奶茶🧋，不過食得放題飲嘅話真係會好滯，我呢啲寒命人都係飲多啲黑糖薑母茶。甜品就係網紅店 @196_handy_taro 芋圓不過因為來貨比較貴所以份量相對少，今次食落口味唔算好彈牙又唔算覺得好正。每次嚟到見到周董嘅演唱會👨‍🎤，唔知已經播咗幾多次，牆上面嘅肉麻句子亦都冇變，而佢哋員工亦一直都咁勤力，做唔停手，上菜速度快，而且大閘蟹都熱辣辣。大閘蟹每次每人嗌2隻，蟹公蟹乸隨機。而價錢方面，88分鐘大閘蟹放題，$598食4-5両，宵夜時段$568，Openrice特價最平$548，其他両嘅價錢可以睇返menu。 📍等等hea - 九龍城福佬村道41號地下 @waitwaithea 📮Follow @fm.feed ➡ to discover more appetizing foods #hkfood #foodiehk #hkfoodblogger #foodporn #foodphotography #foodstagram #hkeats #hkfoodhunter #hkfoodie #likeforlikes #followforfollowback #discoverhongkong #香港美食 #相機食先 #美味しい #美食摄影 #食べるの好きな人と繋がりたい #等等hea #大閘蟹 #大閘蟹放題 #hairycrab #九龍城美食 #土瓜灣美食 #宋王臺美食 #