以酒品及佐酒小食開始，以拉麵作結🍜 來...

以酒品及佐酒小食開始，以拉麵作結🍜

來自日本京都的拉麵潮界王者GOGYO五行重臨中環，以五行元素融入拉麵，揉合傳統日式居酒屋及現代西式酒吧。仲踩過界，同本地品牌與創作者合作，涉獵茶飲、啤酒、咖啡、時裝及藝術。

🍜五行焦香味噌拉麵（HK$128）
🍜法式烤牛清湯拉麵（HK$148）
🌮焦香味噌和牛三文治（HK$248）
🥩鹿兒島和牛薄切（HK$278）
🍢八兵衛串燒6點盛（HK$178）
🍣京風手織壽司（HK$288）
🍙贅沢卷 （HK$238）

首先上菜嘅係和牛薄片，來自日本鹿兒島，賣相精緻，牛肉質柔嫩，入口即溶，牛脂香同牛肉嘅味好濃厚，蘸上生蛋黃，配上由芥末籽特調而成的醬汁和香蔥，層次再昇華！

接住有來自八兵衛嘅正宗獨家串燒，分別有青豆餅串、豚腩同免治雞肉串三款，外層香脆、內餡軟滑，肥瘦相間、肉香濃郁。

睇到和牛三文治出場，十分亮眼，內裡粉嫩半熟，脂香肉味並重，配上焦香味噌製成的吉列和牛醬汁，一下子咬上去，太滿足了！

然後有同樣相當吸睛嘅手織壽司，一盒九格擺放咗海膽、油甘魚、拖羅蓉、三文魚、赤海蝦、三文魚子及野菜天婦羅，用紫菜同飯自行DIY，包上上等食材，令人回味無窮。

其次係贅沢卷，其中一款人氣菜式，用上矜貴食材，如肉質鮮美的吞拿魚、海膽、赤海蝦、三文魚籽等，口感有層次而豐富。

壓軸出場有兩款拉麵，牛清湯拉麵嘅湯底好清新，原來係加上香氣獨特的白松露油，啲牛係有大理石紋。仲同美國經典扒房Lawry’s The Prime Ribs合作，做出原汁原味嘅牛尾清湯底！

另一款淨係個碗都夠特別，相當高身，原來係以熱油高溫烘烤湯底內的自家秘製味噌醬做湯底，濃郁的焦香和微微煙燻味，味帶甘甜，風味和層次感極為豐富，入喉後餘韻猶存。

📍GOGYO五行 - 中環歷山大廈B1樓B02 @gogyohk
📮Follow @fm.feed ➡ to discover more appetizing foods